Kryetari i PDK-së, Memli Krasniqi, ka thënë se Lëvizja Vetëvendosje në mënyrë të organizuar ka penguar skenarin e seancës së Kuvendit, duke krijuar një kaos të madh, raporton Ekonomia Online.

Pasi seanca konstituive u ndërpre dhe do të vazhdojë më 19 prill, Krasniqi para mediave ka theksuar se VV-ja po mundohet të blejë kohë për t’i bërë numrat e nevojshëm për formimin e institucioneve.

“Partia që ka qenë e para në mënyrë të organizuar kanë ardhur për të penguar skenarin, ja ku e keni skenarin. Është krijuar një kaos i madh, dhe të drejtat për të arritur qëllimet partiake janë shkelur. Ata, që nuk kanë shumicë, i ftoj që të mos e mbajnë kushtetutën e Kosovës dhe raportet kushtetuese, por të vijnë në seancë dhe të votojnë. Nuk mund të sillen me këtë shpërfillje, është për keqardhje, por pati një shpërfaqje të një fakti që ata nuk kanë shumicë parlamentare dhe dëshirojnë të blejnë kohë edhe 48 orë për të bërë pazaret e tyre,” ka thënë Krasniqi.