Prokurori i Shtetit do të parashtrojë kërkesë për caktimin e masës së paraburgimit ndaj të dyshuarit

Burhan Mavriqi për sulmin fizik ndaj gjinekologut Afrim Veliu dhe mjetin shpërthyes të vendosur

ditë më vonë pranë ordinancës së tij në lagjen Ulpianë të Prishtinës.

Mavriqi është arrestuar sot në bashkëpunimin e ngushtë mes Policisë së Kosovës dhe Prokurorit
të Shtetit, për veprat penale “Kanosja” dhe “Lëndim i lehtë trupor”.

Në njoftimin e Prokurorisë Themelore e Prishtinës bëhet e ditur se në kuadër të veprimeve hetimore,
gjatë bastisjes së realizuar në vendbanimin e të dyshuarit janë sekuestruar një telefon celular, një
palë rrobe sportive si dhe një pajisje (çip), të cilat dyshohet se janë përdorur dhe që kanë lidhje me
rastin nën hetim.

“Andaj, Prokurori i shtetit, brenda afati ligjor, do të parashtrojë kërkesë për caktimin e masës së paraburgimit ndaj të dyshuarit”.

“Prokuroria Themelore në Prishtinë, po vazhdon ndërmarrjen e të gjitha veprimeve të nevojshme hetimore për zbardhjen e plotë të rastit”, thuhet në njoftim.