Aktori i njohur kosovar Enver Petrovci ka ndërruar jetë në moshën 71-vjeçare. Vdekja e tij ka prekur thellë botën artistike në mbarë rajonin, duke sjellë një varg reagimesh dhe mesazhesh ngushëllimi nga artistë, politikanë dhe figura të shquara.

Ndër reagimet e shumta, kanë ardhur edhe mesazhe ngushëllimi nga dy institucione të njohura artistike në Serbi: Teatri rajonal i Novi-Pazarit dhe teatri prestigjioz i Beogradit, Atelje 212.

Të dy institucionet kanë vlerësuar kontributin e Petrovcit në artin skenik dhe kanë shprehur respekt për trashëgiminë e tij artistike.

“Teatri rajonal i Novi-Pazarit pati një nder dhe privilegj të veçantë të bashkëpunonte me të. Si profesor dhe mentor, ai transmetoi me vetëmohim njohuri, përvojë dhe dashuri për artin te aktorët tanë, duke formuar breza që do ta çojnë përpara trashëgiminë e tij. Do ta kujtojmë për karizmën, gjerësinë e shpirtit dhe përkushtimin e vërtetë ndaj artit. Enver Petrovci do të mbetet përgjithmonë pjesë e familjes sonë teatrale”, thuhet në njoftimin e Teatrit të Novi-Pazarit.

“Aktori, profesori, regjisori dhe dramaturgu i përmendur i teatrit, filmit dhe televizionit ishte pjesë e ansamblit artistik të Atelje 212 në fund të viteve shtatëdhjetë dhe fillim të viteve tetëdhjetë, në skenën e të cilit ai interpretoi role të rëndësishme dhe të paharrueshme në shfaqjet “Kurora e Kosançiqit 7”, “Kontrolluesit pinë çaj”, “Korešpodencija”, “Gjuetia”. mbi rosa të egra”, “Dekameron 81”, “Ambasador” dhe “As peshk as mish. Ndajmë respektin dhe mirënjohjen për të” thuhet në reagiin e Atelje 212 të Beogradit.