Një aksident i rëndë trafiku që ndodhi mëngjesin e djeshëm në Turqi mori jetën e shtatë personave dhe la 11 të tjerë të plagosur.

Kështu ka njoftuar zyra e guvernatorit rajonal.

Ngjarja tragjike ndodhi në aksin rrugor që lidh qytetet Adana dhe Gaziantep. Sipas agjencisë shtetërore të lajmeve Anadolu, autobusi goditi nga pas një rimorkio kamioni që ishte ndalur në anë të rrugës për shkak të një gome të shfryrë.

Pamjet nga vendi i ngjarjes treguan pjesën e djathtë të përparme të autobusit të shkatërruar rëndë pas përplasjes, rreth 90 kilometra në perëndim të Gaziantepit.

Të gjithë viktimat dhe të plagosurit ishin pasagjerë të autobusit. Autoritetet po vijojnë identifikimin e viktimave, ndërsa shoferi i kamionit, që arriti të mbijetojë, është marrë në paraburgim. Ndërkohë, policia ka mbyllur përkohësisht segmentin rrugor për të kryer hetimet.

Video:

Osmaniye'nin Bahçe ilçesi Ayran Tüneli yakınlarında, yolcu otobüsünün seyir halindeki TIR'a çarpması sonucu meydana gelen kazada 7 kişi hayatını kaybetti, 11 kişi ise yaralandı

🟥 Hurdaya dönüşen otobüsten son görüntülerhttps://t.co/ZULCZgorXj pic.twitter.com/bEnnjO4NLm

— Halk TV (@halktvcomtr) December 6, 2025