Albin Kurti, Kryeministër i Kosovës, referuar Marrëveshjes Bazike/Ohrit, i ka përsëritur ato që thotë t’i ketë kushtet e tij pararendëse.

Në një takim me disa senatorë amerikanë në margjinat e Konferencës së Sigurisë në Mynih, Kurti parakushte i dha dorëzimin e Millan Radojçiqit, nënshkrimin bilateral të marrëveshjes dhe tërheqje ne një letre të Ana Branbiq në EEAS.

Albin Kurti njoftoi se ka zhvilluar një takim me një delegacion dypartiak të Senatit të SHBA-së, ku bënin pjesë senatorët Jeanne Shaheen, Chris Murphy, Thom Tillis dhe Ruben Gallego.

“Ishte kënaqësi të takohesha me një delegacion dypartiak amerikan, i përbërë nga senatorët Jeanne Shaheen, Chris Murphy, Thom Tillis dhe Ruben Gallego. Diskutuam për progresin e Kosovës, i cili është i dukshëm si në aspektin demokratik ashtu edhe në atë ekonomik. Folëm gjithashtu për përkushtimin e qartë të Kosovës për t’iu bashkuar Bashkimit Evropian dhe shprehëm mirënjohjen tonë ndaj Shteteve të Bashkuara, një aleat i pazëvendësueshëm. Theksova se, sa i përket marrëdhënieve me Serbinë, Milan Radoiçiq duhet të dorëzohet për t’u përballur me drejtësinë, Marrëveshja Bazë duhet të nënshkruhet dhe letra nga Bërnabiq, e cila në formë të shkruar mohon integritetin territorial të vendit tonë, duhet të tërhiqet. Këta hapa do të siguronin llogaridhënie dhe qëndrueshmëri në procesin e normalizimit të marrëdhënieve”, tha ai.