Lamine Yamal, talenti i ri i Barcelonës, është lojtari më i vlefshëm në botë, sipas një liste të përpiluar nga “Football Benchmark”, me një vlerë tregu prej 286,8 milionë eurosh.

Kjo statistikë e bën atë lojtarin më me vlerë aktualisht në futbollin global – një rekord i jashtëzakonshëm për një futbollist vetëm 18-vjeçar.

Në vendin e dytë renditet ylli francez Kylian Mbappé, i cili është vlerësuar me 232,2 milionë euro, ndonëse mosha e tij (27 vjeç) dhe fakti që u bashkua me Real Madridin me parametër zero e bëjnë një transferim të shtrenjtë më pak të mundshëm në afat të shkurtër.

Për habi të shumë tifozëve, në Top-10 nuk është përfshirë sulmuesi francez Ousmane Dembélé, i cili ka e fituar edhe Topin e Artë 2025, por nuk është pjesë e listës së vlerave më të larta të tregut për momentin.

Top-10 e lojtarëve më të vlefshëm në botë:

1. Lamine Yamal – 286,8 M€
2. Kylian Mbappé – 232,2 M€
3. Erling Haaland – rreth 231 M€
4. Jude Bellingham – 199 M€
5. Bukayo Saka – 156,5 M€
6. Florian Wirtz – 154,5 M€
7. Pedri – 154,5 M€
8. Michael Olise – 149 M€
9. Vinicius Junior – 149 M€
10.  Jamal Musiala – 137 M€

Vlera e Yamal është e jashtëzakonshme dhe reflekton kombinimin e talentit të jashtëzakonshëm, zhvillimit të shpejtë dhe rolit të rëndësishëm që ai ka në ekip – duke qenë titullar i padiskutueshëm edhe te kombëtarja e Spanjës edhe psenë moshë tepër të re.

Ndërkohë, emrat si Dembélé – që pavarësisht trofeve dhe suksesit të tij – nuk arrijnë të hyjnë në këtë klasifikim të vlerave të tregut, është një fakt që tregon se lufta për të qenë “lojtarët më të vlefshëm” është më e ashpër se kurrë në futbollin modern.