Francisco Conceicao beson se Juventusi është më i fortë se Roma dhe Como, ndërsa tre skuadrat duket se do të luftojnë për një vend në katërshen e parë të Serie A.

Ai shtoi gjithashtu se “çdo skuadër” do të dëshironte të kishte bashkëkombasin e tij, Bernardo Silva, në ekip: “Ai është një lojtar i madh”.

Conceicao foli për mediat gjatë konferencës për shtyp para ndeshjes së Juventusit ndaj Udinese.

Trajneri Luciano Spalletti ka pasur zakon ta dërgojë një nga lojtarët e tij të mëdhenj për të folur para ndeshjeve së fundmi; këtë herë ishte radha e portugezit Conceicao.

Muaji shkurt nuk ka qenë i lehtë për Juventusin, me humbje ndaj Atalantës, Interit, Galatasarayt dhe Comos në Coppa Italia, Serie A dhe Ligën e Kampionëve.

Humbjet ndaj Comos dhe Galatasarayt në kupë kanë mbyllur shpresat për trofe këtë sezon, ndërsa ato ndaj Interit dhe Comos e kanë bërë arritjen e katërshes më sfiduese.

Juventusi ka reaguar më pas me një barazim 3-3 jashtë fushe ndaj Romës dhe një fitore 4-0 ndaj Pisës.

Aktualisht ata janë në vendin e gjashtë, një pikë pas Romës (e pesta) dhe Comos (e katërta).

Conceicao tha: “Mendoj se forca e grupit është baza e gjithçkaje që bëjmë. Kemi treguar shumë herë më parë. Gjatë javës punojmë për t’u bërë më të fortë dhe të gjithë duhet të përmirësohemi individualisht, dhe këtë kemi bërë. Punojmë mbi çdo detaj që trajneri dëshiron të përmirësojë. Po luajmë shumë mirë momentalisht, por kemi edhe më shumë potencial për të treguar. Tani duhet të fitojmë për të arritur objektivat tanë”.

Për kundërshtarin e radhës, ai shtoi: “Udinese janë një skuadër e fortë, edhe më shumë në shtëpi. E dimë që janë veçanërisht të fortë në sulm dhe në përgjithësi, por ne shkojmë në Udine me dëshirën për të fituar”.

Juventusi është gjithashtu lidhur me një transferim të bashkëkombasit të Conceicao, Bernardo Silvas të me Manchester Cityn që skadon në fund të sezonit 2025-26.

Conceicao tha: “E njoh shumë mirë Bernardon dhe ai është një lojtar i madh. Çdo skuadër do të dëshironte ta kishte atë në ekip”.

Ai u pyet gjithashtu për kthimin e afërt të Dušan Vlahović pas një periudhe të gjatë jashtë skuadre për shkak të lëndimeve: “Të gjitha ekipet janë më të forta kur të gjithë lojtarët janë të shëndetshëm. Dusan është shumë i fortë dhe mungon momentalisht te ne. Ai po përmirësohet dhe shpresojmë që të kthehet mirë nga lëndimi”.

Conceicao përmendi gjithashtu ndikimin e trajnerit.

“Trajneri na ka dhënë shumë gjëra. Luajmë mirë, kemi cilësinë për të bërë edhe më mirë dhe për ta treguar atë. Ekipi luan me gëzim dhe të gjithë lojtarët, veçanërisht ata në sulm, krijojnë shumë raste. Por duhet të bëjmë më shumë dhe të vazhdojmë të punojmë fort për të fituar çdo ndeshje”.

Kur u pyet se cila skuadër nga Juventus, Roma apo Como ka më shumë gjasa të përfundojë në katërshen e parë, ai u përgjigj: “Unë them Juve. Nuk më intereson se kush tjetër e arrin. Mua më intereson që ne të jemi aty, dhe për këtë po punojmë. E dimë që kemi cilësinë për të qëndruar në Ligën e Kampionëve. Duhet të punojmë fort dhe të fitojmë ndeshjen e nesërme. Për mua, ne jemi më të fortë, por duhet ta tregojmë dhe të fitojmë për t’u mbajtur lart dhe për t’u provuar”.