A është e poshtër apo e marrë?

(Mblidhet urgjentisht Komisioni për Gjetjen e Arsyes.)

…

Pika e rendit të ditës:

Dukuria natyrore: Vjosa Osmani.

Rasti: Gjetja e një arsyeje.

…

Pas katër orësh diskutime, Komisioni doli me konkluzion:

“Nuk gjetëm asnjë.”

…

Kryesuesi:

Kolegë,

kemi një problem logjik.

Gjatë fushatës Vjosa Osmani tha se Albin Kurti e ka përzënë.

E ka tradhtuar.

E ka prerë në besë.

…

Pas zgjedhjeve tha:

“Albin Kurti nuk ka asnjë arsye që ta refuzojë emrin tim për Presidente.”

Procesmbajtësi:

Gjyshi im thoshte…

Kryesuesi:

Si?

Procesmbajtësi:

Jo.

Asgjë.

Vazhdojmë.

…

Anëtari i parë:

Ndoshta e ka falur.

Procesmbajtësi:

Zemra nuk është arsye.

Faleminderit.

…

Një anëtar propozoi:

“Ndoshta sepse nuk e duan.”

Propozimi u hodh poshtë.

Sepse dashuria nuk konsiderohet arsye.

Procesmbajtësi:

Edhe kjo u provua.

…

“Ndoshta sepse kanë kandidat tjetër.”

U hodh poshtë.

Procesmbajtësi:

Gjithçka është e mundshme…

…

“Ndoshta sepse janë parti tjetër.”

U hodh poshtë.

Procesmbajtësi:

Shkojmë tutje.

…

“Ndoshta sepse nuk duan.”

U hodh poshtë.

Procesmbajtësi:

E ke të garantuar.

…

Komisioni filloi të nervozohej.

…

Anëtari i dytë:

Vjosa Osmani tha se Albin Kurti është antiamerikan.

Tani kërkon që një antiamerikan, i cili sipas saj deshi ta mbyllë Bondstillin, ta bëjë Presidente.

Kryesuesi:

Si?

Procesmbajtësi:

Po të dëgjoj.

…

Anëtari i tretë:

Tha se militantët e tij, me urdhrin e tij, ua dërgojnë vajzave të saj fotografitë lakuriq çdo mëngjes.

Tani kërkon nga këta barbarë ta bëjnë Presidente.

Procesmbajtësi:

E lëshoftë toka.

E lëshoftë.

…

Anëtari i pestë:

Ajo u zotua se do t’i ndjekë përndjekësit e saj me gjykatë.

Tani kërkon që përndjekësit e saj ta bëjnë Presidente.

…

Procesmbajtësi:

Ta lë kopilin në derë…

…

Kryesuesi:

Si?

…

Procesmbajtësi:

Jo.

Asgjë.

Desha të them…

Do ta gjejmë arsyen në derë.

…

Procesmbajtësi kërkoi pushim teknik.

…

Anëtari i katërt:

E përqafoi krejt Kosovën për dy vota.

Madje lëpiu akullore e kthyer kah kamera.

As shitja e akulloreve nuk u rrit.

Procesmbajtësi:

O popull,

nuk kryen punë akullorja…

…

Kryesuesi:

Pra?

…

Heshtje.

…

Njëri nga fundi i sallës:

Ndoshta nuk është as e poshtër.

Procesmbajtësi:

Po të ishte e poshtër, s’do të tregohej kaq budallaqe.

Ndoshta…

As e marrë.

Procesmbajtësi:

Po të ishte e marrë, nuk do t’i kishte dy shtëpi në lagjen e milionerëve.

…

Kryesuesi:

Po?

…

Ndoshta është vetëm kandidate.

…

Heshtje.

…

Procesmbajtësi:

Kjo është edhe më shqetësuese.

…

Në fund, Komisioni arriti në përfundimin historik:

Vetëvendosje nuk ka asnjë arsye që ta refuzojë.

Tani mbetet vetëm të gjejmë një arsye që ta pranojë.

…

Procesmbajtësi:

Ishalla e gjej lapsin…

Në dorë e pata…

deri në momentin kritik…

…

Komisioni vazhdon punën.

Pa Arsye.

…

P.S.

Gëzuar.

…

AUTOKRITIKË:

Komisioni nuk e gjeti arsyen.

Por e humbi edhe të vetën.

….

SHTESË NË PROCESVERBAL:

Gjatë hartimit të këtij dokumenti, Autores iu ndërpre rryma.

Teksti vazhdoi të shkruhej me 5G.

Komisioni e konsideroi këtë provë materiale nr. 7.

Procesmbajtësi:

Tash po më lidhen do gjëra…