13 shtatori është Dita Ndërkombëtare Çokollatës produkti që ka joshur ndër shekuj njerëzimin.

Pikë së pari, ajo që duhet të dini është se emërtimi çokollatë vjen nga pija Xocóatl, e cila prodhohej nga astekët dhe s’ishte gjë tjetër veçse një përzierje e ujit me kakao dhe vanilje.

Nga studiues të ndryshëm besohet se bima e kakaos e cila është baza kryesore e çokollatës, ka qenë e pranishme mbi 6000 vjet më parë në lumenjtë Amazona dhe Orinoko.

Ajo mundi të bëhej e njohur për qytetërimin evropian në vitin 1502 kur Kolombi, përgjatë udhëtimeve të tij, mbërriti në Honduras dhe provoi pijen me bazë kakaoje. Më pas, në shek. XVII ajo u kthye në luksin e aristokracisë europiane.

Koha rrodhi dhe magjia e çokollatës përfshiu rangje të ndryshme shoqërore duke u shndërruar në fare pak kohë, në një produkt global.

Çokollata ka dhe disa përfitime shëndetësore dhe këshillohet të konsumohet çokollata e zezë sepse ajo është më e shëndetshmja.

1.Çokollata mbron nga hemoragjia cerebrale

Nga një studim suedez i vitit 2011, rezultoi se femrat që konsumojnë më shumë se 45 gramë çokollatë në javë kanë 20% më pak mundësi të preken nga hemorragjia cerebrale sesa femrat që konsumojnë më pak se 9 gramë çokollatë.

2.Çokollata përmirëson funksionimin e zemrës

Një nga arsyet përse çokollata e zezë është veçanërisht e shëndetshme për zemrën është aftësia e saj për të luftuar inflamacionin. Kjo redukton dhe rreziqet kardiovaskulare.

3.Çokollata lufton diabetin

Nga një studim italian i vitit 2005, rezultoi se ngrënia e rregullt e çokollatës rrit prodhimin e insulinës, duke reduktuar kështu rrezikun e diabetit.

4.Çokollata mbron lëkurën

Harrojini ato që keni dëgjuar se çokollata ju shkakton akne. Çokollata e zezë në fakt ju bën mirë për lëkurën. Antioksidantët flavonoidë që gjenden te çokollata e zezë, ju ofrojnë mbrojtje nga rrezet ultravioletë të diellit. Por kjo nuk do të thotë se duhet të hiqni dorë nga kremi mbrojtës.

5.Çokollata përmirëson humorin

Nuk mund ta mohoni që ngrënia e ëmbëlsirave ju bën të ndiheni mirë. Konsumuesit e çokollatës gjithashtu shprehen se ndihen më pak të stresuar.

6.Çokollata përmirëson qarkullimin e gjakut

Kakaoja hollon gjakun dhe ka efekte të ngjashme me aspirinën. Kjo ndihmon në presionin dhe qarkullimin e gjakut.

7 .Çokollata të bën më inteligjent

Rritja e presionit të gjakut që shkon drejt trurit, i shkaktuar nga flavanoli që ndodhet në kakao, duket se i bën njerëzit të ndihen më inteligjentë dhe, sipas një studimi britanik, përmirëson aftësitë përllogaritëse.