Në sezonin e festave, kur një amerikan mesatar mund të grumbullojë lehtësisht disa kilogramë, ekspertët thonë se ka një arsye tjetër për t’i kushtuar vëmendje peshës suaj: COVID-19.

Njerëzit që janë mbipeshë ose obezë janë në një rrezik shumë më të lartë për sëmundje shumë më të rënda dhe madje edhe vdekje nga Covid-19, dhe një studim i ri sugjeron se humbja e peshës mund ta zvogëlojë këtë rrezik, shkruan CNN.

Obeziteti ka qenë një kërcënim për shëndetin e amerikanëve prej vitesh. Është shkaku i dytë kryesor i vdekjeve të parandalueshme, pas pirjes së duhanit. Me Covid-19, bëhet edhe më i rrezikshëm. Një studim zbuloi se 30% e shtrimeve në spital Covid-19 ishin te njerëzit me obezitet.

Klinika e obezitetit ku punon Dr. Fatima Cody Stanford në Boston ka një listë pritjeje prej 1000 personash që u rrit më shumë me pandeminë.

Njerëzit me obezitet janë 46% më të rrezikuar për t’u prekur nga Covid-19, sipas një studimi të gushtit.