Ndeshja e xhiros së dytë në Grupin C, mes Argjentinës dhe Meksikës përfundoi me fitoren e këtyre të parëve me rezultat 2:0.

Kjo ishte një ndeshje jetë a vdekje për Argjentinën, pasi humbi duelin e parë kundër Arabisë Saudite.

Pjesa e parë ishte e baraspeshuar, ku të dy skuadrat nuk sulmonin dhe ishin të mbyllura.

Pjesa e dytë filloi ndryshe për Argjentinën, pasi ata filluan të rrezikojnë portën e Meksikës.

Gjithçka ndryshoi për Argjentinën, kur në lojë u fut Julian Alvarez, i cili dukej se ishte i gatshëm të linte jetën në fushë.

Në minutën e 64-të, ishte lideri argjentinas, Lionel Messi, i cili i dha epërsinë kombëtares së tij.

Pas golit të Messi-t, Meksika filluan të sulmojnë, por Argjentina nuk po lejonin t’iu rrezikohej porta.

Për të siguruar fitoren, u përkujdes Enzo Fernandez, i cili shënoi një super gol në minutën e 87-të.

Ndeshjet e fundit të grupit C luhen më 30 nëntor, nga ora 20:00. Argjentina ndeshet me Poloninë, kurse Meksika me Arabinë Saudite.

Argjentinës i duhet fitorja për t’u kualifikuar, por vazhdon tutje edhe me barazim, nëse edhe ndeshja tjetër përfundon baraz.

TABELA: