“DokuFesti” të martën ka publikuar ftesën për të gjithë nxënësit që të aplikojnë për kampin pranveror të shkollës së filmit dokumentar, në të cilin aktivitet kandidatët e përzgjedhur do të aftësohen për të xhiruar filma, të cilët më pastaj do të shfaqen në edicionin e ardhshëm të festivalit, shkruan sot “Koha Ditore”.

“Kampi udhëhiqet nga ekspertët vendorë dhe ndërkombëtarë. Kandidatët duhet të jenë nxënës të shkollave të mesme dhe të kenë aftësi komunikimi në gjuhën angleze”, thuhet në thirrjen publike të “DokuFestit”, ku po ashtu sqarohet se kampi pranveror do të mbahet duke filluar nga 23 e deri më 26 mars në Prizren…