E moshuara nga Rahoveci që vdiq sot nga Coronavirusi, ka edhe 3 fëmijë të infektuar

Prishtinë | 16 Qer 2020 | 13:03 | Nga Ekonomia Online

Në Klinikën Infektive në QKUK ka ndërruar jetë një paciente 74-vjeçare e cila ishte e infektuar me Coronavirus. Lajmin e ka konfirmuar Ministria e Shëndetësisë përmes një njoftimi për media, ku është bërë e ditur se pacientja ishte nga komuna e Rahovecit. Në Klinikën Infektive po trajtohen 53 pacientë me Covid, 20 prej tyre me oksigjenoterapi.

Detaje për gjendjen në Rahoves ka dhënë për Gazetën Express, kreu i kësaj komunë, Smajl Latifi. Ai ka thënë se tre fëmijët e viktimës, dy vajzat dhe djali janë të prekur me Covid-19. Gjendja shëndetësore e tyre, sipas Latifit, është stabile.

“Pacientja e ndjerë ka pasur probleme të tjera shëndetësore përvec Covid-19. Ajo ka qenë e sëmurë nga mushkëritë, diabeti e probleme me veshkat. Dy vajzat e saja dhe djali kanë rezultuar pozitiv me Covid-19”, ka sqaruar kryetari Latifi.

Ai ka thënë se Rahoveci ka për momentin 16 raste aktive me Covid-19. Përderisa 4 persona të tjerë kanë ndërruar jetë. Tre nga ta kanë qenë në hemodializë.

E ndëkrohë edhe gjatë ditës së sotme pritet rezultate të mostrave të marra në Rahoves me dyshimet për persona të infektuar me Covid-19.

Mbrëmë IKSHPK ka njoftuar edhe për 8 raste të reja me Coronavirus në këtë komunë.

Të ngjashme