Komisioni për Buxhet dhe Financa ka mbajtur mbledhjen e radhës ku si pikë rendi të ditës ka pasur shqyrtimin e raportit për shpenzimet për tre muajt e parë të vitit 2019 të Kuvendit të Kosovës, raporton Ekonomia Online.

Kjo është u shtyrë për javën e ardhshme me kërkesë të sekretarit të Kuvendit të Kosovës, Ismet Krasniqi me arsyetimin se ai gjendet jashtë vendit.

Këtë e bëri të ditur, kryesuesi i Komisionit për Buxhet dhe Financa, Lumir Abdixhiku.

“Raporti i shpenzimit 3 mujor shtyhet për mbledhjen e ardhshme me kërkesë të sekretarit të Kuvendit të Kosovës dhe kam marrë leje ta shtyjë këtë raportim për mbledhjen e ardhshme”, tha Abdixhiku.