Qeveria e Serbisë ka vendosur që Marko Gjuriq të riemërohet si ushtrues detyre i drejtorit të të së ashtuquajturës Zyrë serbe për Kosovën, edhe për tre muaj.

Pos këtij vendimi, në mbledhjen e Qeverisë serbe të mbajtur më 6 korrik, qeveria e Serbisë që udhëhiqet nga Ana Brnabiq ka emëruar si ushtrues detyre edhe tre zëvendësdrejtor të kësaj zyre dhe katër asistentë, për një periudhë prej tre muajsh.

Si zëvendës të Gjuriqit janë caktuar: Zoran Joviq, Zheljko Joviq dhe Dushan Kozarev, kurse ndihmësdrejtor Dejan Paviçeviq, i cili ishte zyrtar ndërlidhës në Prishtinë, si dhe Dushan Jovoviq, Petar Petkoviq dhe Zoran Bojoviq, raportojnë mediat serbe.