Ibrahimoviç: “Ua dëshmova të gjithëve se mosha s’ka rëndësi”

Prishtinë | 24 Pri 2021 | 11:55 | Nga Ekonomia Online

Sulmuesi i Milan, Zlatan Ibrahimovic, ka rinovuar kontratën deri në qershor të vitit 2022.

Pas rinovimit, ai tha se ua ka dëshmuar të gjithëve se në futboll, mosha s’ka rëndësi.

39-vjeçari do të thotë që do të jetë aktiv dhe pjesë e Milanit edhe pas të 40-tave.

“Do të jetë diçka pozitive, edhe pse dyshuan para se të arrija”, tha Ibra për MilanTV. “ua kam dëshmuar se mosha s’ka aspak rëndësi”.

“Është e gjitha rreth mentalitetit. Gjithmonë tentoj të përmirësohem dhe të jap më të mirën. Dua vetëm të ndihem mirë fizikisht dhe të bëjë gjërat që e di si t’i bëjë”.

Ibrahimovic, që ka vuajtur me dëmtime këtë sezon, ka shënuar 15 gola në 17 ndeshje dhe po lufton me kohën për të qenë gati për ndeshjen e së hënës me Lazion. 

Të ngjashme