Ka disa njerëz që sëmuren më pak se të tjerët. Sipas një studimi të kryer nga Shoqata Amerikane e Hematologjisë, ka disa njerëz që kanë përparësi natyrore të mos sëmuren. Duke ekzaminuar grupet e gjakut, studiuesit vunë në dukje se ata që i përkasin grupit të gjakut 0 sëmuren më pak se grupet e tjera. Ky fakt varet nga prania e një antitrupi që parandalon virusin të ankorohet në qelizat e kuqe të gjakut. Me siguri do të vijojnë studimet për ta kthyer këtë zbulim në një zgjidhje praktike për të gjithë.

Çfarë e shkakton faktin që janë shumë asimptomatike dhe kush janë ata?

Mikrobiologu Andrea Crisanti i përgjigjet kësaj pyetjeje: “Arsyet pse shumë njerëz zhvillojnë këtë tolerancë nuk dihen, por është e qartë se merita nuk është për shkak të antitrupave”. Në fakt, shumë njerëz vdesin nga një reagim i tepërt dhe i pakontrollueshëm i antitrupave, të cilët prodhojnë një inflamacion të fortë dhe të gjerë dhe përfundimisht shkatërrojnë vetë trupin. Ky reagim i tepruar i antitrupave ndodh veçanërisht tek të moshuarit, sepse pikërisht tek këta mekanizmi që rregullon ndërhyrjen e antitrupave nuk funksionon mirë. Në të vërtetë, janë të moshuarit ata që më së shumti i nënshtrohen kësaj sëmundjeje.

Kush infektohet më lehtë dhe pse?

Midis njerëzve që preken më lehtë nga coronavirusi janë ata që ushqehen keq. Kështu shpjegon biokimisti Fulvio Ursini i Universitetit të Padovës: “Ajo që hamë dhe si jetojmë ka një ndikim të fortë në aftësinë tonë për të kontrolluar inflamacionin. Dhe virusi shkakton një inflamacion të pakontrolluar nga i cili vdes. Njerëzit obezë të cilët morën coronavirusin kishin 113% më shumë gjasa të shtroheshin në spital, 74% më shumë të ngjarë të shtroheshin në spital në kujdesin intensiv, 48% më shumë gjasa të vdisnin.”

Siç kemi parë, natyra u jep një shans shtesë atyre me grup gjaku 0, më pak të moshuarve dhe më shumë atyre që ndjekin një dietë të shëndetshme.