Udhëheqësi i Koresë së Veriut, Kim Jong-un po zhvillon një vizitë dy-ditore në Kinë, një javë pas takimit me Presidentin amerikan, Donald Trump.

Pritet që ai të diskutojë sanksionet dhe angazhimin që ai bëri në samitin me Trump , në terma të përgjithshëm, për denuklarizimin e gadishullit korean, transmeton Klan Kosova.

Pekini, aleati i vetëm ekonomik i Koresë së Veriut, tashmë ka sugjeruar se sanksionet kundër Koresë së Veriut mund të lehtësohen.

Ndërkohë, SHBA dhe Koreja e Jugut kanë konfirmuar se kanë pezulluar planifikimin për stërvitjet e tyre të ardhshme ushtarake.

Kjo lëvizje vjen pas zotimit të Trump në samitin e Singaporit.

Vizita në Kinë është e treta e Kim që nga marsi, kur ishte edhe udhëtimi i tij i parë jashtë vendit.