Kryetari i komunës së Prishtinës, Shpend Ahmeti përmes një postimi në Facebook ka njoftuar se janë mbjellur mbi 900 drunj të rinj në sezonin vjeshtor përmes Ndërmarrjes “Hortikultura”. Këta drunj do të mbjellen nëpër oborre të shkollave, hapësirat publike, lagje të ndryshme etj.
Postimi i Ahmetit:
Përmes Ndërmarrjes “Hortikultura”, kemi filluar sot me mbjelljet për sezonin vjeshtor. 900 drurë të rinj do të mbillen në oborre të shkollave, oborre të çerdheve, oborre të QMF-ve; në hapësirat publike në Breg të Diellit, Kalabri, Lakrishte, Dardani, Ulpianë, Rrugën B; si dhe në hapësira të institucioneve qeveritare.
Për Prishtinën e gjelbër!