Konfirmohen 11 raste të reja me Coronavirus në Shqipëri, gjithsej 197 të infektuar

Prishtinë | 28 Mar 2020 | 12:14 | Nga Ekonomia Online

Numri i të prekurve me CoVid-19 në Shqipëri ka shkuar në 197. 11 raste të reja janë regjistruar vetëm në 24 orët e fundit.

Silva Bino nga Instituti i Shëndetit Publik ka thënë se në 24 orët e fundit janë testuar 79 persona të dyshuar, prej të cilëve janë konfirmuar 11 raste të reja me COVID-19.

“Deri në këto momente janë testuar 1325 raste të dyshuara dhe prej tyre janë të konfirmuar pozitivë me COVID-19, 197 raste. Gjatë 24 orëve të fundit kanë ndërruar jetë dy pacientë në spitalin Infektiv, një 67 vjeçar nga Tirana dhe një 72-vjecare nga Vlora”.

“Ministria e Shëndetësisë i shpreh ngushëllimet familjarëve të të ndjerëve. Në shërbimin infektiv aktualisht janë 74 të shtruar dhe prej tyre 4 janë në terapi intensive. Pjesa tjetër e të shtruarve në pavion janë në gjendje të stabilizuar deri në këto momente”, ka thënë ajo.

Fjalë Kryesore:

Të ngjashme