Pas largimit nga LA Lakers, LeBron James ka gjetur skuadrën e re.

Ai ka befasuar fansat, pasi do të luaj për Philadelphia 76ers, duke nënshkruar kontratë dy vjeçare.

James do të përfitoj pagë prej 8 milionë euro në sezon.

41-vjeçari përmes njoftimit në llogarinë e tij zyrtare, ka thene se e kishte veshtirë për të vendosur, pasi në përfundm të sezonit të kaluar, kishte menduar se ka ardhur koha për tu pensionuar.

”Mendova se gjithçka kishte përfunduar kur mbaroi sezoni. Nuk isha gati ta bëja publik vendimin dhe e dija se më duhej kohë për ta menduar mirë, por thellë-thellë besoja se ndeshja e fundit ishte edhe e fundit e karrierës sime.

Isha i sinqertë në konferencën e fundit për media kur thashë se duhej të shikoja brenda vetes dhe të vendosja nëse ende e dua këtë lojë. E vërteta është se unë ende e dua këtë sport dhe ndiej se kam ende shumë për të dhënë.

Javët e fundit kanë qenë vërtet të veçanta. Për herë të parë pas shumë vitesh pata mundësinë të mos kisha asnjë plan dhe thjesht të merrja kohë për të menduar. Kam kaluar disa muaj të jashtëzakonshëm me njerëzit që dua, duke u përpjekur të kuptoj se cili ishte vendimi i duhur.

Ky është vendimi im përfundimtar. Nuk po luaj për para. Nuk po luaj për familjen. Pyetja që i bëra vetes ishte: Për çfarë po luaj në këtë pikë të karrierës?

Përgjigjja është e qartë. Ende dua të sakrifikoj. Ende dua të punoj fort. Ende dua të stërvitem pa u kursyer. Ende dua të garoj, të fitoj dhe të kem mundësinë ta përjetoj edhe një herë ndjesinë e ngritjes së një titulli kampion.

Besoj se mund ta ndihmoj Philadelphia 76ers të bëhet një skuadër kampione dhe jam jashtëzakonisht i emocionuar që do të nis këtë rrugëtim të ri me këtë tifozëri. Kjo do të jetë aventura ime e fundit.

Faleminderit, Los Anxhelos. Miami do të ketë gjithmonë një vend të veçantë në zemrën time, ndërsa Verilindja e Ohajos do të mbetet përgjithmonë shtëpia ime.”, thuhet në njoftimin e LeBron James.