Liga më prestigjioze e futbollit evropian, Liga e Kampionëve rikthehet me super dy ndeshjet e para çerekfinale.

Sfida kryesore e së martës në mbrëmje do të jetë ballafaqimi i Real Madridit me Manchester Cityn.

Këto dy skuadra kanë dhuruar kënaqësi për dashamirësit e futbollit në dy vitet e kaluara, pikërisht në fazën e eliminimit.

Kjo gjë nuk pritet të mos ndodhë edhe sot, me dy ekipet që do të futin në fushë përbërjet më të mira.

Ndërsa, në ndeshjen tjetër Arsenali i bën konak Bayernit të Munichut, që është duke kaluar nëpër momente jo të mira.

Në anën tjetër, Topçinjtë janë në formë të mirë, dhe ani se përballjet e kaluara me kampionin aktual të Gjermanisë nuk u kanë shkuar si duhet – kjo gjë pritet të ndryshojë sot.

Përndryshe, të dy ndeshjet do të luhen duke filluar nga ora 21:00