Lulzim Hetemi thotë se qytetarët po paguhen nga Serbia për nënshkrim te peticionit

Në orët hershme të mëngjesit, qytetarët e komunitetit serbë iu përgjigjën thirrjes për nënshkrimin e peticionit për largimin e kryetarëve, në mëngjes kishte fluks më të madh të qytetarëve, teksa pasdite u pa një numër i vogël i të interesuarve.

Qysh në orët e para të mëngjesit iu përgjigjën thirrjes.

Qytetarët e komunitetit serb në komunën e Mitrovicës së veriut, me në krye përfaqësuesit e Listës Serbe, Goran Rakiq dhe Igor Simiq, dolën për të nënshkruar peticionin për largimin e kryetarit të kësaj komune, Erden Atiq.

Në sallën e sportit pati goxha interesim nga qytetarët për të nënshkruar në orët e para të së mërkurës.

Por pasdite ra ky numër ndërsa qytetarët nuk pranuan të flasin për këtë proces.

E ai që foli për peticionin ishte kryesuesi i kuvendit komunal të Mitrovicës së veriut, Nexhat Ugljanin.

Në mënyrë të organizuar para opinionit para ndërkombëtarëve se është në mënyrë të organizuar mënyrë kërcënimeve, mënyrë jo demokratike, ne po e shohim, jo veç që po nënshkruajnë, nënshkrimet jepen, por në çfarë mënyre, jo me mendimin e vet, vullnetin e vet, por me kërcënime sepse unë po bisedoj me qytetarë serbë…”, tha ai.

Ndryshe nga Mitrovica e Veriut, serbët vendosën këtë tendë të bardhë në Leposaviq, ku po monitorohej nga EULEX.

Krejt këtë ngjarje po e shihte nga zyra e tij Lulzim Hetemi, për të cilin po nënshkruhej të largohej nga pozita e kryetarit.

“Po, edhe ne kemi informata më herët është evidente shihet me sy njerëzit ose punëtorët që punojnë në shëndetësi dhe arsim, janë paguar nga republika e Serbisë, janë të detyruar, kemi informata se këtu në shkollë ka pas incident mes tyre që dikush nuk pranuar të vjen, por kemi edhe informata se në shatorin e mbuluar janë shpërnda para”, tha Hetemi.

Qeverisjen e Hetemit, po e quan ilegale një qytetar i komunitetit serb.

“Populli ka vendosur sot të nënshkruaj peticionin, që të ndërrohet qeverisja jolegale që është në komunë. Populli do të vendos kë do të votojë kut të vjen koha e zgjedhjeve”, tha ai.

Sipas Udhëzimit Administrativ të përpiluar nga Ministria e Administrimit dhe Pushtetit Lokal, pas mbledhjes së nënshkrimeve të 20% të trupës elektorale, nënshkrimet dorëzohen në Komisioni Qendror të Zgjedhjeve për verifikim, më pas, organizohet votimi për shkarkimin e kryetarit, i cili duhet të mbahet brenda 45 ditësh.

Afati i nënshkrimit të peticionit është deri më 22 janar 2024.tëvë1