Matoshi kërkon votën e gazetarëve, thotë se do të jetë “zani i tyne”

Prishtinë | 08 Qer 2017 | 12:43 | Nga

Halil Matoshi, gazetari i mirënjohur kosovar i cili në zgjedhjet e 11 qershorit kandidon për deputet, ua ka dërguar një letër të hapur kolegeve dhe kolegëve të tij, duke u garantuar se nëse zgjidhet deputet do të jetë “zani i tyne” në kuvend dhe institucione, njofton Klan Kosova.

Letra e plotë e Matoshit:

“Nji jetë njeriu kam ba gazetari.
Jam autor i rreth 10 mije njësive tekstore të te gjitha zhanreve gazetareske.
Dhe autor i dhjetë librave!
I njoh vuejtjet Tueja…
Por edhe gëzimet.
Besoj që kam qenë i mirë me Ju – kam punu me tre breza gazetarësh që nga Ali Shala, Maksut Shehu e Zenun Çelaj – përmes Bardh Hamzajt e Blerim Shales – deri tek vajza ime Artiana H. Matoshi dhe nipat e mi Albatrit Matoshi & Rilind Matoshi…
Nuk ua kam mshel telefonin asnjëherë!
E do se në fillim secili nga ne mendojmë se do ta ndryshojmë botën.
Porse kjo asht utopi e megjithatë na tërheq në thelbin e zjarrtë.
Unë jam i fundit nga brezi im që kam shkru kolumnë të rregullt në gazetë…
Gazeta e printueme e ka mbyll tashma ciklin e saj duke i leshu udhë tekonologjive të avansueme dhe gazetarisë online.
Profesioni ynë – ashtu sic e njeh ky brez po del nga historia!?
Unë po hyj në një cikël të ri jetësor – në politikë.
Dhe natyrisht që kam nevojë për mbështetjen Tuaj – për votën Tuej!
Ose së paku për mirëkuptimin Tuej!
* Do të angazhohem për të drejtën Tuej dhe lirinë e shprehjes – sic e kam ba plot tre dekada!
• Do të angazhohem për mbrojtjen institucionale dhe akomodimin e mediave dhe të gazetarëve: Do të loboj fuqishëm që ish Pallati i Shtypit i cili asht finansuar nga Kuvendi i Kosovës (tash objekt qeveritar) t’u rikthehet mediave (sipas një përzgjedhjeje të një komisioni të pavarun) më të etabluara në Kosovë, kurse për gazetarët veteranë që kanë më shumë se 30 vjet punë në gazetari pension suplementar dhe pasaporta diplomatike;
• Do të angazhohem që ish Qendra Informative e Kosovës Q.I.K. (që lidhet me emrin e Enver Malokut) të subvencionohet nga Kuvendi i Republikës së Kosovës që të revitalizohet dhe Webfaqja, duke e shndërruar në Agjensi shtetnore të lajmeve;
Nëse do të zgjidhem deputet i Kuvendit të Republikës do të jem edhe zani Juej aty ku debatohet dhe ku bahen ligjet por edhe aty ku merren vendimet…
Voto Koalicionin me Nr. 12
Voto Nr. 44 – Njeriun Tuej!
Me shumë dashuri e nostalgji: Halil Matoshi”.

Fjalë Kryesore:

Të ngjashme