Ministri i Mbrojtjes, Armend Mehaj shpreh mirënjohjen për siç tha ai përgjigjen e jashtëzakonshme për donacione në Fondin e Sigurisë, i cili u hap në fillim të këtij muaji.

Mehaj krahas kësaj ka kërkuar nga qytetarët që të vazhdojnë të japin kontributin e tyre në Fondin e Sigurisë, për ushtrinë dhe për të gjitha institucionet e sigurisë së Kosovës.

“Ju e dëshmuat dhe po e dëshmoni si gjithmonë se jeni mbështetja kryesore e jona. Ju ishit gjithmonë dhe jeni edhe tani logjistika kryesore jo vetëm e Ushtrisë, por edhe e sigurisë, mbrojtjes, zhvillimit dhe forcimit të shtetit tonë”, ka shkruar Mehaj në Facebook.