Drejtori ekzekutiv i Institutit të Kosovës për Drejtësi, Ehat Miftaraj, ka ngritur kritika ndaj mënyrës së menaxhimit të seancave parlamentare dhe procedurës së zgjedhjes së Presidentit të Kosovës, duke përmendur kryetaren e Kuvendit, Albulena Haxhiu.

Miftaraj ka thënë se çdo përpjekje për të krijuar “kuorum artificial” apo për të kushtëzuar pjesëmarrjen e deputetëve në seanca plenare është, sipas tij, e pabazuar në Kushtetutë dhe në praktikën e Gjykatës Kushtetuese.

Ai ka theksuar se mandati i deputetit është i lirë dhe se, sipas tij, nuk mund të vendosen kushte apo leje për mungesën e deputetëve në Kuvend.