Ministri i Forcës së Sigurisë së Kosovës (FSK), Rrustem Berisha prezantoi para deputetëve, Projektligjin për Ministrinë e Mbrojtjes, një nga projektligjet pjesë e pakos së projektligjeve për transformimin e FSK-së në ushtri.

Ai ka thënë se ky projektligj është bërë në kuadër të normave aktuale kushtetuese, raporton Ekonomia Online.

“Me qëllim të mbikëqyrjes së kontrollit civil dhe demokratik mbi Forcën e Sigurisë së Kosovës (FSK), Ministria e Mbrojtjes do të ketë funksionalizimin e plotë dhe përmbushjen e përgjegjësive të saja.

“Ministria e Mbrojtjes do të hartojë politika të përgjithshme të mbrojtjes në nivel strategjik, do t’i ushtrojë kompetencat e plota në bazë të Kushtetutës së Kosovës”.