Incidenti i mbrëmshëm në festivalin e birrës “BeerFest” ka marrë vëmendjen e mediave italiane, serbe dhe boshnjake. Këto media kanë shkruar se 40 qytetarë janë lënduar pasi që një person i panjohur ka hapur zjarr.

“Klix.ba”, “Radiosarajevo.ba”, “Blic.rs”, “Tg24com”, janë disa nga mediat të cilat e kanë raportuar lajmin për incidentin e mbrëmshëm.

Këto kanë shkruar se pas të shtënave me armë, qytetarët janë trembur shumë. Mediat e huaja po ashtu kanë raportuar, duke u bazuar në raportimet e mediave shqiptare, se incidenti ndodhi mes dy personave.