Anëtari i Vetëvendosjes, Driton Hyseni, ka shfrytëzuar ditën e të zhdukurve për të përçuar një mesazh thumbues drejt institucioneve drejtuese që kanë udhëhequr dialogun me Serbinë.

Sipas tij, pala kosovare ka diskutuar për normalizimin e marrëdhënieve me fqinjët veriorë, ku para 1652 personave të pagjetur, ka vënë targat e veturave, shkruan GazetaBlic.

Përmes profilit zyrtar të rrjetit social “Facebook”, Hyseni ka thënë se përderisa nuk i gjejmë të gjithë, të humbur jemi edhe ne.

Më poshtë edhe postimi i para pak çasteve:

1,652 PERSONA ENDE TË PAGJETUR
Institucionet tona u ulën e biseduan me Serbinë, qoftë edhe për targa automjetesh, por fatin e të pagjeturve e vendosën në plan të dytë apo e harruan tërësisht. Të pagjeturit janë qytetarë të Kosovës, për sa kohë nuk i gjejmë të gjithë, të humbur jemi edhe ne!