Shoqata për Krimet e Luftës në Gjakovë ka dorëzuar të martën kallëzim penal në Prokurorinë Speciale (PSRK) kundër Bozhidar Deliqit, ish-komandant i Brigadës 549 të Motorizuar gjatë luftës së Kosovës dhe tash nën-kryetar i Kuvendit të Serbisë, raporton Ekonomia Online.

Udhëheqësja e kësaj organizate, Shkëndije Hoda, ka thënë që presin rezultate pozitive.

“Janë tri kallëzime penale bashkëngjitur me disa dokumentacione faktike, një lloj ditari të operimit të Brigadës 49 të Motorizuar nën komandën e Bozhidar Deliqit”.

“Ne e dorëzuam edhe pse procedurat këtu kanë ndryshuar, pak kemi qenë të pakënaqur edhe pse prapë kemi marrë fjalë të mira”, ka thënë ajo.

Gjokë Sokoli, dëshmitar njëherësh familjar i viktimave të luftës, tha se kanë sjellë me qindra dëshmi që dëshmojnë pjesëmarrjen e Deliqit në krime lufte.

“Kemi sjellë disa materiale për kallëzim penal kundër nënkryetarit të Parlamentit të Serbisë, Bozhidar Deliq, i cili ka qenë gjeneral lufte dhe këto dokumente jo vetëm që policia ka bërë krime por edhe ushtria, që ky ka qenë gjeneral”.

“Kemi dëshmi që e kanë njohur që ka marrë pjesë në masakrën e Mejës, Krushës e Gjakovës. Me qindra ka dëshmi dhe besoj se do të dalë para organeve të drejtësisë. Duhet edhe institucionet me apeluar në tërë botën që këtë kriminel”, tha ai.

Udhëheqësja e kësaj organizate, Shkëndije Hoda, ka thënë që presin rezultate pozitive.

“Janë tri kallëzime penale bashkëngjitur me disa dokumentacione faktike një lloj ditari të operimit të Brigadës 49 të Motorizuar nën komandën e Bozhidar Deliq”.

“Ne e dorëzuam edhe pse procedurat këtu kanë ndryshuar, pak kemi qenë të pakënaqur edhe pse prap kemi marrë fjalë të mira”, ka thënë ajo.