Sindikatat synojnë realizimin e kërkesave vetëm me protesta, s’duan dhunë e shkatërrim të institucioneve

Prishtinë | 18 Qer 2022 | 08:29 | Nga Lindita Berisha Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Sindikatat qe një kohë pakënaqësitë e tyre po i shprehin nëpërmjet protestave për shkak të mosrealizimit të kërkesave të tyre.

Por njëzëri përfaqësues të sindikatave janë të pajtimit se protestat nuk duhet të jenë të dhunshme dhe shkatërruese, pavarësisht se sipas tyre Qeveria e meriton këtë gjë.

Jusuf Azemi kryetar i Sindikatës së Sektorit Privat të Kosovës ka thënë se të gjitha protestat duhet të jenë konform me ligjin dhe rregullat të cilat janë të parashtruara.

Tutje ai thonë se që nga paslufta ka pasur bllokadë nga institucionet, por që është kategorik kundër përdorimit të dhunës dhe dëmtimit ndaj institucioneve.

“Ne protestat i cilësojmë kur dy partner nuk ulen për t’i zgjidhur problemet që kanë, vetë fakti protestë bënë me dije se diçka nuk është në rregull. Ne si Sindikatë e Sektorit të Kosovës konsiderojmë që të gjitha protestat duhet të jenë konform në nivel me ligjin dhe rregullat të cilat janë të parashtruara”.

“Ne kemi bërë disa herë protesta, por asnjëherë nuk kemi bërë dhe nuk mendojmë se duhet të bërë protesta të dhunshme edhe pse shpesh herë udhëheqësit tan këtë e meritojnë , por mendoj se opinioni përreth nuk e meriton dhe askush në opinion nuk e dëshiron që dikush një guri ta gjuaj kundruall parlamentit dhe Qeverisë së Kosovës. Por, a e meritojnë? E meritojnë! Megjithatë ne nuk e kemi atë kulturë, ne do ta kërkojmë drejtësinë dhe të drejtën tonë, por jo duke i sulmuar institucionet tona pasi që një kryeministër sot mund të jetë kokëfortë, nesër mendojmë që do të jetë një person adekuat dhe institucionet tona”.

Kurse Nexhat Llumnica kryetar i Sindikatës së Re të KEK-ut, ka thënë se nga presioni i anëtarësisë së kësaj sindikate për shkak të kushteve jo të mira të punëtorëve po detyrohen të marrin pjesë në protesta.

Madje ai shtoi se që nga themelimi i kësaj sindikate janë organizuar 24 protesta, ndërsa dy ndaj kësaj Qeverie.

Tutje u shpreh se vetëm kur protestohet dëgjohen kërkesat e punëtorëve, raporton EO.

“Ne kemi zgjuar sindikatat, jo vetëm se kemi dashur t’i zgjojmë mirëpo kemi pasur presion prej anëtarësisë, pasi nevoja është e madhe për punëtorët dhe mosrespektimi i të drejtave ka qenë çdo herë dhe jemi të imponuar të bëjmë protesta ndoshta më shumë se kurrë, mirëpo nuk është se vetëm sot ne po bëjmë protesta”.

“…ne prej themelimit të Sindikatës së Re kemi pasur diku 24 protesta dhe vetëm dy të kësaj Qeverie të tanishme kështu që jemi në vazhdimësi duke kërkuar, nuk është se s’kemi realizuar asgjë, kemi realizuar shumë protesta, mirëpo e keqja e madhe në këtë vend është se vetëm kur protestohet dëgjohen kërkesat punëtorëve dhe jo më herët”.

Lexo më shumë:

Të ngjashme