Në qytete përtej ishullit Java në Indonezi, spitalet janë aq të mbingarkuara saqë pacientët po i largojnë. Punëtorët e varrimit po punojnë deri sa po errësohet. Ndërsa kriza është përkeqësuar, një numër në rritje i grupeve vullnetare janë mbledhur për të mbushur boshllëqet e qeverisë.

Ata ofrojnë dhoma për njerëzit që nuk kanë hapësirë ​​për t’u izoluar, drejtojnë rrjete që ndihmojnë në lokalizimin e depozitave të oksigjenit dhe po ndërtojnë arkivole.

Herlambang Yudho Darmo, një fotograf dhe artist, thotë nuk e mendoi kurrë që në moshën 57 vjeçare, do të mësonte të bënte arkivole. Tani ai e di përmendsh gjatësinë dhe gjerësinë e paneleve dhe sa milimetra i trashë duhet të jetë druri për të bërë arkivole të forta dhe të qëndrueshme.

Nisma filloi kur vullnetarët dëgjuan se spitali Sardjito, më i madhi në qytetin Jakarta, po përballej me mungesë arkivolesh. Capung Indrawan, shoku i Herlambang, tregoi se vendosi që t’i ndërtonin falas dhe hapi oborrin e shtëpisë për vullnetarët. Tani ata bëjnë deri në 30 arkivole në ditë, të mbështetur nga donacione nga publiku.

Pothuajse 70,000 njerëz kanë vdekur që nga fillimi i pandemisë, sipas të dhënave zyrtare, raporton Theguardian.com.