Në Katedralen “Shën Nënë Tereza” në Prishtinë, pikërisht në mesnatë, ka filluar mesha e Krishtlindjes.

Para fillimit të liturgjisë është mbajtur koncerti i përvitshëm nga fëmijët e Famullisë së Prishtinës.

Mesha po udhëhiqet nga Ipeshkvi i Kosovës, Dodë Gjergji. Krahas shumë besimtarëve katolikë, pjesëmarrës janë dhe personalitete të jetës politike e kulturore në Kosovë.

Në fjalën e tij, ipeshkvi Gjergji ka uruar që paqja të mbretërojë në çdo familje në Kosovë e kudo në botë.