Joan Laporta mori vendimin për t’u ndarë me Ronald Koeman të mërkurën mbrëma pasi Barcelona kishte pësuar një tjetër humbje poshtëruese, këtë herë ndaj Rayo Vallecanos në La Liga.

Vendimi, në të vërtetë thuhet se ishte marrë që një kohë të gjatë vetëm pritej momenti i duhur për shkarkimin e holandezit.

Në shkarkimin e tij ndikuan shumë faktorë, ndërsa gazeta Marca ka renditur disa nga arsyet kryesore.

Rezultatet

Nuk mund të mohohet se rezultatet e Barcelonës këtë sezon kanë qenë të dobëta. Në 13 ndeshje deri më tani, ata kanë fituar vetëm pesë, kanë humbur pesë dhe kanë barazuar tre. Ata kanë shënuar vetëm 16 gola dhe kanë pranuar 17, dhe ata ende nuk kanë fituar asnjë ndeshje jashtë fushe.

Përshtypja e ekipit

Udhëtimi në Vallecano tregoi një Barcelonë të lodhur dhe të pavetëdijshme. Ata patën vetëm një goditje në portë dhe humbën një penallti, duke humbur një ndeshje që gjithmonë dukeshin të ngjarë ta humbnin.