Përfaqësuesja e Nigerisë është ekipi i vetëm nga Afrika që është kthyer në botëror pas paraqitjes në Brazil para katër vjetësh.

Mirëpo, nëse Nigeria dëshiron të arrijë në fazën e dytë në “Rusia 2018”, sikurse para katër vjetësh, atëherë duhet të kalojë një armik të njohur, shkruan sot Koha Ditore.

Nigeria është në një grup me Argjentinën dhe kjo është hera e pestë në gjashtë botërore që përballen këto përfaqësuese.

Para katër vjetësh, Nigeria përfundoi e dyta pas Argjentinës për t’u kualifikuar në 1/8 e finales, ku i eliminoi Franca.

Kalimi i grupit është synimi minimal për Nigerinë, e cila bën pjesë në grupin ku janë edhe Kroacia e Islanda.