Një lojtar i Fenerbahçes ka treguar simptome të Coronavirusit

Fenerbahce players react after their UEFA Champions League Play Off first leg match against Arsenal at Sukru Saracoglu Stadium in Istanbul on August 21, 2013. AFP PHOTO/BULENT KILIC (Photo credit should read BULENT KILIC/AFP/Getty Images)
Prishtinë | 25 Mar 2020 | 15:44 | Nga Ekonomia Online

Klubi turk i futbollit Fenerbahçe ka njoftuar të mërkurën se një nga lojtarët dhe një anëtar i stafit mjekësor të klubit janë dërguar në spital për t’u testuar pasi kanë shfaqur simptome të Coronavirusit, gjatë testimit të skuadrës.

Javën e kaluar, Turqia pezulloi ligën e futbollit, duke marrë këtë vendim pas presionit në rritje nga klubet, lojtarët e trajnerët.

Në komunikatë, Fenerbahçe ka njoftuar se e gjithë skuadra është testuar të mërkurën për Coronavirus. Pjesë e Fenerbahçes është edhe ylli i Kosovës, Vedat Muriqi.

“ Një lojtar dhe një anëtar i stafit mjekësor janë dërguar në spital për teste të mëtutjeshme dhe për tretman”, ka njoftuar klubi i elitës turke.

Lajmi vjen vetëm dy ditë pasi trajneri i famshëm i futbollit Fatih Terim u diagnostikua me koronavirus dhe është duke u trajtuar në spital.

Në fundjavë, Fenerbahçe ka njoftuar se basketbollistët dhe anëtarët e stafit që kanë treguar simptome për koronavirus janë dërguar në spital për teste.

Të ngjashme