Ekipi i futbollit “Partizani” nga Beogradi në ueb faqen e tyre zyrtare ka kujtuar Fadil Vokrrin i cili dikur ishte pjesë e formacionit të tyre.

Në ueb-faqen e tyre kanë shkruar se: “Futbollisti (Fadil Vokrri) filloi stërvitjen në moshën 15 vjeçare në klubin lokal në Podujevë. Në Prishtinë kaloi vitin 1980 ku luajti  për 6 sezona. Për Klubin e Futbollit Prishtina, ai luajti 84 ndeshje të tjera dhe shënoi 33 gola, dhe luajti për Prištevci në Ligën e parë dhe shënoi 88 gola në 88 ndeshje”.

Më tej në njoftimin e “Partizanit”, janë shkëputur pjesë tjera të biografisë së Fadil Vokrrit, i cili vdiq sot në Prishtinë në moshën 57 vjeçare.

“Në Partizan ishte nga viti 1986 deri më 1989 (ai kaloi një sezon në JNA) dhe luajti 107 ndeshje me 47 gola të shënuara. Për ekipin kombëtar të Jugosllavisë, ai ka luajtur 12 ndeshje me gjashtë gola. Me Partizan ai fitoi një titull kampion (1986/87) dhe një kupë Marshall Tito (1989). Nga Partizani ai shkon jashtë vendit, ku luajti për Nim (1989-90), Fenerbahce (1990-92) dhe Bourges (1992-93). Ai përfundoi karrierën e tij me futbollin francez të Monaco në 1995, dhe në atë klub ai gjithashtu ka punuar si menaxher sportiv për disa kohë”.

Më tej në shkrimin e publikuar nga “Partizani” është shkëputur edhe një deklaratë e Fadil Vokrrit që kishte dhënë për kohën  sa kishte luajtur për Partizanin.

“Këto janë tri vitet më të mira në karrierën time, unë kurrë nuk do të mund t’i harroj”, kishte deklaruar Vokrri.

Në fund të shkrimit të publikuar në ueb-faqen e Partizanit thuhet: “Fadil, pushoni në paqe dhe le të jetë lavdia juaj e përjetshme”.

Kryetari i Federatës së Futbollit të Kosovës nuk i ka mbijetuar sulmit në zemër që ka pësuar në mëngjesin e sotëm.

Vokrri ka vdekur në Qendrën Klinike Universitare të Kosovës.