Ministria e Brendshme e Spanjës njoftoi sot se shumica e ndërtesave publike që autoritetet katalonase kanë planifikuar t’i përdorin si vendvotim në referendumin për pavarësi, janë të mbyllura nga policia.
Sipas ministrisë, vetëm disa objekte janë duke u mbajtur nga qytetarët që përkrahin referendumin për pavarësi.
Kurse udhëheqësit e Katalonisë janë të vendosur për të mbajtur referendumin, i cili do të mundësonte që ky rajon të ndahet nga Spanja.