Isufi: Nuk kemi vija të kuqe as ndaj PDK-së, taksa kusht për koalicion

Prishtinë | 14 Gus 2019 | 10:55 | Nga Besiana Dauti Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Shefi i Grupit Parlamentar të AAK-së, njëherësh nënkryetar, Ahmet Isufi, ka folur për arsyet e dorëheqjes së kryeministrit Haradinaj, raporton EkonomiaOnline.

Ai ka thënë se ka qenë vendim i papritur dhe se as vetë anëtarët e partisë nuk e kanë ditur paraprakisht për dorëheqjen e Haradinajt.

“Ftesa e Haradinajt ka qenë befasi për të gjithë sepse emrat që janë përmendur që mund të jenë të ftuar nga dhomat e specializuara Haradinaj ka qenë emri më së paku që kemi mendu se mundet me qenë edhe ne dorëheqjen e tij e kemi kuptuar në momentin kur e ka deklaruar në Qeveri”

“Së pari duhet të jemi njerëz e pastaj udhëheqës politikë, sepse të gjithë e dimë se çfarë ka hequr Haradinaj dhe nuk duhet t’i marrim pandjenja situatat nëpër të cilat ka kaluar Kosova. Duhet të shkojmë në zgjedhje sepse gjithë partitë politike janë në dakorduar”.

Isufi: Koalicionin me Nisma-n dhe PSD-në, kundërshtarët nuk e kanë lehtë ta përballojnë

Ai tha se kanë afërsi me PSDnë dhe NISMA-n dhe se pritet të ndodh një koalicion mes tyre.

“Kur përmendet koalicionet e mundshme nuk duhet të përmendet sepse po i shohim lëvizjet e fundit që po ndodhin. Marrëdhëniet tona janë mundësi me NISMA-n që të kemi koalicion por edhe me PSD-në që na kanë bërë të besojmë se mund të kemi koalicion në të ardhmen dhe kundërshtarët politikë ndoshta nuk e kanë të lehtë ta përballojnë këtë”, tha ai.

Këto deklarata Isufi i bëri në debatin e organizuar nga Kolegji Riinvest, me temën “Çfarë zgjidhje ofrojnë zgjedhjet?”, ku pjesëmarrës ishin edhe Blerta Deliu-Kodra nga PDK-ja, Arben Gashi nga LDK-ja dhe Albulena Haxhiu nga Lëvizja Vetëvendosje.

Deputeti i AAK-së, Ahmet Isufi, tha se nuk kanë vija të kuqe për askënd, madje as për PDK-në dhe se  AAK-ja dakordohet me partitë që e mbajnë në jetë taksën, raporton EkonomiaOnline.

“Nuk kemi vija të kuqe me PDK-në”, tha ai.

“Haradinaj i ka përmbushur ato që të tjerët nuk kanë guxuar, taksa, ushtria, Ligji për Trepcën, çështja e kazinove etj”

“Nuk është në dorën e Kosovës liberalizimi, i kemi përmbushur kriteret, askush të mos garojë për liberalizim sepse BE-ja e ka në dorë”

“Duhet bërë kujdes me opinionin se mbahen mend, Aleanca dhe Haradinaj meritojnë një referendum në këtë vend sepse ka bërë veprime që kanë qenë në dobi të Kosovës sepse ka tregu që është burrështetasi që merr vendime të mëdha për vendin”, tha ai.

Lexo më shumë:

Të ngjashme