Musliu vendos fotografinë e Agim Veliut në ulësen e tij në Kuvend

Prishtinë | 27 Nën 2020 | 12:56 | Nga Ekonomia Online

Deputetja e PDK-së, Ganimete Musliu në seancën e Kuvendit, ku në rend dite ishte interpelanca e ministrit Agim Veliu dhe e njëjta dështoi për shkak të mos prezencës së tij, e vendosi një fotografi të ministrit në ulësen e tij.

Musliu tha se e konsideron të pa konsumuar këtë interpelancë pasi që nënshkrimin e ka dhënë që ministri të jetë këtu.

“I lus qytetarët që nëse e takojnë këtë person le ta njoftojnë se duhet me ardh në Kuvend sepse ka përgjegjësi ndaj Kuvendit dhe qytetarëve”, tha Musliu, shkruan Telegrafi.

Ajo pati edhe një vërejtje për deputetët e LVV-së.

“Vërejtje për kolegët nga LVV që abuzojnë me vullnetin e mirë të anëtareve të komisionit që e kanë nënshkrua kërkesën për interpelancë. Le të jetë hera e fundit që ne bëhemi bashkë për të sjellë diçka të mirë në Kuvend e ju abuzoni me nënshkrimet tona”, tha Musliu.

Fjalë Kryesore:

Të ngjashme