Ka përfunduar numërimi i të gjitha votave edhe në komunën e Deçanit.

Sipas të dhënave të publikuar nga Komisioni Qendror i Zgjedhjeve (KQZ), në këtë komunë Aleanca për Ardhmërinë e Kosovës është radhitur e para me 52.92%, pastaj Lëvizja Vetëvendosje 26.00%, Lidhja Demokratike e Kosovës 14.58%, Partia Demokratike e Kosovës 4.56%, Nisma Socialdemokrate 0.70 kurse subjektet tjera 1.24%, transmeton Telegrafi.

Në Deçan kanë votuar 38 mijë e 222 qytetarë, kurse numri i vendvotimeve ka qenë 48.

Numërimi i votave ka përfunduar edhe në Pejë e Ferizaj, ndërkohë KQZ është duke vazhduar me numërimin e të gjitha votave edhe në komuna tjera, kurse gjatë ditës së sotme pritet publikimi i rezultateve preliminare.