Prizreni vazhdon të jetë njëra prej komunave të Kosovës që ende ka mjaft raste aktive me coronavirus.

Drejtori i Spitalit të Prizrenit, Afrim Avdaj thotë për RTV Dukagjinin se që nga rasti i parë që është paraqitur në Repartin e Hemodializës është bërë riorganizimi i punëve pasi që funskionimi i këtij reparti është jetik për pacientët që marrin shërbime.

“Kemi 229 pacientë që marrin shërbimin e hemodializës dhe na është dashur të riorganizojmë stafin pasi disa prej tyre kanë shkuar në vet izolim për shkak të dyshimeve se mund të jenë prekur me COVID-19. Nuk ka qenë e lehtë”, tha ai, përcjell Telegrafi.

Avdaj thotë se Spitali i Prizrenit tashmë trajton edhe pacientë me coronavirus.

“Në fillim ne nuk kemi qenë të njoftuar për një gjë të tillë që u detyruam ta ri trajnojmë stafin, por falënderojmë edhe disa nga mjekët dhe infermierët që janë paraqitur vullnetarisht për të trajtuar pacientët me COVID-19”, deklaroi ndër të tjera Afrim Avdaj.