Prishtinasja ankohet në polici se i dashuri gjerman po i shkakton dhunë fizike e psikike

Një femër kosovare ka raportuar në polici të dashurin e saj për dhunë fizike dhe psikike.

Kështu ka raportuar policia e Kosovës në përmbledhjen e rasteve kriminale të 24 orëve të fundit.

Sipas policisë, viktima kosovare ka thënë se pas një mosmarrëveshjeje verbale, i dashuri i saj, i dyshuari mashkull gjerman i ka shkaktuar dhunë fizike e psikike.

I dyshuari është arrestuar dhe me vendim të prokurorit është dërguar në mbajtje.