Pritjet më të gjata në pikat e kalimit kufitar në Kosovë janë regjistruar në dalje te Mutivoda, ku qytetarët po presin deri në 30 minuta për të kaluar kufirin.

Sipas të dhënave të fundit të publikuara nga Qendra Kombëtare për Menaxhim Kufitar, në Mutivodë pritjet për automjete në hyrje janë 3-5 minuta, ndërsa në dalje arrijnë deri në 30 minuta.

Në pikën kufitare të Merdarës, pritjet në dalje janë 10-15 minuta, ndërsa në hyrje deri në 5-10 minuta.

Në Dheu të Bardhë, pritjet në dalje janë rreth 10 minuta, ndërsa në shumicën e pikave tjera kufitare ato variojnë nga 1 deri në 10 minuta.

Sa i përket kolonave, në shumicën e pikave të kalimit kufitar nuk raportohet për kolona të automjeteve.

Të dhënat janë përditësuar në ora 15:36.