Dy grupe janë përleshur fizikisht përballë Ambasadës së Zvicrës në Prishtinë.

Incidenti që ndodhi të mërkurën pasdite, thuhet se nisi pasi njëri nga pjesëmarrësit nuk donte që të paguante parkingun në rrugën “Adrian Krasniqi”, jo larg stacionit të policisë në Lagjen e Muhaxherëve, raporton Indeksoline.

Sikur shihet në video, megjithëse policia ishte në afërsi dhe intervenoi, personat vazhdonin të shkëmbenin grushta e shqelma.

Në fund, policia ka arrestuar personat e përfshirë në përleshje.