Komuna e Rahovecit  përmes projektit për “Zgjerim i rrjetit të kanalizimit në Komunën e Rahovecit”, ka bërë të mundur shtrirjen e kanalzimit fekal në  “Duraku”  e cila gjendet në rrugën “Hysni Duraku” në fshatin Krushë e Madhe të komunës së Rahovecit.

Drejtori i Drejtorisë së Shërbimeve Publike, Muhamet Behra, tha se punimet në ndërtimin e një segmenti të kanalizimit në lagjen “Duraku” kanë përfunduar gjatë javës që lamë pas.

Sipas tij, gjatësia e rrjetit të kanalizimit të shtrirë në këtë lagje është 570 metra.

“Në  kuadër të kontratës për ‘Zgjerim i rrjetit të kanalizimit në Komunën e Rahovecit’ është duke u punuar në qytetin e Rahovecit tek shkolla fillore ‘Isa Boletini’ gjatësia e rrjetit të kanalizimit të planifikuar të shtrihet është 300 metra”, u shpreh Behra.