Lidhja në mes të Policisë së Kosovës dhe Prokurorisë së Shtetit, sipas ministrit të Punëve të Brendshme, Flamur Sefaj, çalon diku, shkruan sot Koha Ditore.

Në këtë përfundim ai ka ardhur si pasojë e disbalancës së madhe në mes të kallëzimeve penale që ngrihen nga Policia e Kosovës dhe numrit të vogël të aktakuzave që ngre Prokuroria në bazë të këtyre kallëzimeve.

Këto komete Sefaj i ka bërë të premten, gjatë raportimit në Komisionin parlamentar për punë të brendshme, siguri dhe mbikëqyrje të FSK-së. Në këtë raportim ai ka qenë i shoqëruar nga zyrtarë të tjerë të Ministrisë, si dhe nga zyrtarë të Policisë së Kosovës.