Manchester City do të përballet me Lyonin në kuadër të çerekfinales së Ligës së Kampionëve.

Ish-kampioni anglez luan sonte mbrëma përballë francezëve të Lyon që eliminuan befasisht Juventusin.

E për këtë takim City do të duhet të bëjë plane pa sulmuesin e saj kryesor, argjentinasin Sergio Aguero.

Ka qenë vet trajneri Pep Guardiola që ka konfirmuar se Aguero nuk do të luaj në këtë sfidë.

“Aguero ndodhet në Barcelonë ende për tu rikuperuar dhe nuk do të jetë i gatshëm për këtë ndeshje”, tha Guardiola.

Sulmuesi argjentinas nuk i ndihmoi dot skuadrës së tij as në ndeshjen kthyese të 1/8 së finales ndaj Real Madridit.

32-vjeçari ndodhet jashtë fushave që nga 22 qershori kur u lëndua në përballje me Burnleyn në Ligën Premier.