Futbollisti me prejardhje kosovare, Sead Haksabanoviq ka vendosur të luajë për Malin e Zi, shkruajnë mediet suedeze, raporton zeri.info.
18 vjeçari kishte luajtur për ekipin e të rinjve të Suedisë, por sapo i erdhi ftesa nga Përfaqësuesja A e Malit të Zi, ai nuk hezitoi dhe e pranoi ftesën.
Me këtë rast, futbollisti që ka rrënjë nga Kosova, do të luajë për malazezët në ndeshjen e qershorit ndaj Armenisë, e vlefshme për kualifikimet e Botërorit të Rusisë.
“Është një vendim i vështirë, por duket më i drejti dhe më i duhuri”, ka thënë babai dhe menaxheri i futbollistit, Senad Haksabanoviq.