Peja – Prishtina do ta hapë xhiron e parë të sezonit 2020/2021 në Superligën e basketbollit

Sezoni i ri i Superligës së basketbollit të Kosovës do të nisë me derbi, shkruan Gazeta Express.

Peja dhe Sigal Prishtina do të përballen në mes vete në ndeshjen kryesore të xhiros së parë të edicionit 2020/2021.

Ndërkaq, Rahoveci do të përballet me Vëllaznimin, e Ponte Prizreni me Golden Eagle Yllin.

Bashkimi nga ana e tij do të ketë punë me Trepçën ose AS Prishtinës, varësisht cila prej tyre do ta sigurojë statusin për të qëndruar në Superligë.

Sezoni i ri i ligës elitare do të fillojë më 14 tetor, edhe pse paraprakisht ishte planifikuar të fillonte një muaj më parë.

Edicioni i kaluar ishte ndërprerë në muajin mars shkaku i pandemisë koronavirus.

Këtë sezon, skuadrat e këtushme, krahas Superligës, do të marrin pjesë edhe në Ligën Unike.

Superliga – Xhiroja e parë

Peja – Sigal Prishtina

Rahoveci – Vëllaznimi

Ponte Prizreni – Golden Eagle Ylli

Bashkimi – Trepça ose AS Prishtina